काठमाडांै श्रावण १४ । कार्यभार सम्भाल्नु अगाडी सपथ ग्रहणकै दिनदेखि उपराष्ट्रपति बिवादमा परेका छन् । हिन्दीमा सपथ लिएका कारण देशभरिका विभिन्न ठाउँमा बिरोध जारी रहेको छ । आज पनि लहानमा तनाव सिर्जना भएको छ । तनाव सिर्जना भएपछि लहानमा सुरक्षा व्यवस्था कडा पारिएको छ । पर्वतको कुस्मा बजार पनि बन्द भएको छ । त्यस्तै डडेलघुरा बैतडी, दार्चुलाको यातायात र बजार पनि आज बन्द रहेको छ ।
काठमाडौं उपत्यकाका विभिन्न ठाउँमा पनि बिरोध जारी रहेको छ । आज बिहानै काठमाडौंमा चावहिल पशुपति क्याम्पसका विद्यार्थीहरुले ढुंगामुढा गरेका थिए । काठमाडौंको लइनचौरमा पनि आन्दोलनकारी र प्रहरीबीच झडप हुँदा स्थिति तनाव ग्रस्त भएको छ । काठमाडौंको अन्य क्षेत्र कोटेश्वर, पुतलीसडक, नयाँ बानेश्वर लगायतका क्षेत्रमा पनि बिरोध जारी रहेको छ ।
विद्यार्थी संगठनले शुरु गरेको सो आन्दोलन विद्यार्थीहरुले फिर्ता लिएपनि आम जनताहरु सडकमा उत्रिने क्रम जारी रहेको छ । उनीहरुले उपराष्ट्रपतिले आम माफी माग्नु पर्ने र राजीनामा दिनुपर्ने माग राखेका छन् ।
