काठमाडौं श्रावण १८ । भारतको प्रसिद्ध तिर्थ स्थल बद्री केदार तिर्थ यात्रामा गएका ३६ नेपालीको मृत्यु भएको खबरले हामी सबैलाई मर्माहित तुल्याएको छ । अलकानन्द नदीमा खसेको सो बममा प्राय जसो यात्रु पनौतीका थिए । अहिले पनौती क्षेत्र शोकाकुल भएको छ । कसैको आमा, कसैको भैजु त कसैको बुबा । एकैचोटी आफ्ना परिवारका तीनै सदस्य गुमाएका मृतकका आफन्त सरकारलाई आफ्नो आफन्तको लास सहि तरिकाले नेपालमा ल्याइयोस भन्ने माग गर्दैछन्। हाम्रो आफ्नै धर्म र संस्कृति अनुसारनै अन्तिम क्रिया गर्नपाए आफूहरुलाई सान्त्वना मिल्ने उनीहरुको राय छ ।
